ПАДЗЕЯ ДНЯ: Ганна Янкута і Ігар Крэбс у Вільні

У сераду, 29 сакавіка, у Цэнтры беларускай супольнасці і культуры будзе творчая сустрэча з перакладчыкамі Ганнай Янкутай і Ігарам Крэбсам.

---

Дата: 29 сакавіка

Час: 18.00 (час мясцовы)

Месца: Vilniaus 20, Вільня

Спадар Ігар прадставіць два новыя выданні з серыі «Гебраістыка Беларусі», якія нядаўна выйшлі ў Мінску: «Старая новая зямля» Тэадора Герцля і «Габрэйскія мелодыі» Генрыха Гайнэ.

А спадарыня Ганна прадставіць свой (эка)паэтычны праект "Геалогія"/"Канстытуцыя", які асэнсоўвае беларускія падзеі 2020 года праз прызму галоўнага беларускага закона, які парушаецца рэжымам.

«Геалогія» і «Канстытуцыя» — гэта адна і тая ж кніга, якая пад рознымі назвамі была выдадзеная ў Мінску і ў Польшчы.

Прыходзьце ж абмеркаваць паэзію і цэнзуру, літаратуру і жыццё, атрымаць аўтограф ды добра пабавіць час за літаратурнымі размовамі!

Уваход вольны.