24 і 28–31 снежня Віцебскі цэнтр сучаснага мастацтва запрашае да ўдзелу ў дабрачынным калядным праекце «Незвычайныя гісторыі старой шафы».
Дата: 24 і 28–31 снежня
Час: з 10:00 да 18:00
Месца: Арт-прастора «Талстога, 7»
Вас чакаюць не толькі выставы віцебскіх мастакоў!
Кожны дзень а 14-й гадзіне вядомая віцебская майстрыха Алена Пятрова запрашае на майстар-клас «Калядная зорка».
Кожны вечар а 16-й гадзіне вядомы віцебскі фатограф Юрый Раброў знаёміць вас і вашых дзетак з найлепшымі мультфільмамі 70-х–80-х і нават з дыяфільмамі.
Усё гэта – пасярод выставы чароўных малюнкаў легенды анімацыйнага кіно Юрыя Нарштэйна!
Усё гэта – побач з зоркамі, шагалаўскімі закаханымі і старой-старой шафай з безліччу цікавостак...
Таксама вас чакае наша котка Палітра – з надзеяй на тое, што з вашай дапамогай гадаванцы Віцебскага прытулку для бездаглядных жывёл «Добрык» здабудуць у 2023 годзе свой утульны дом і клапатлівую сям’ю. У нас можна будзе пагартаць альбом з гадаванцамі прытулку і зрабіць ахвяраванні на карысць «Добрыка».
Запрашаем дарослых і дзетак!
Уваходны квіток у музей: дарослыя – 5 р., навучэнцы і студэнты – 2,5 р., дзеці да 7 гадоў – бясплатна.
