У суботу, 11 лютага, у CreateCulture Space — Ноч правалаў!
Дата: 11 лютага
Час: 19.00 (час мясцовы)
Месца: CreateCulture Space, Karmelitų gatvė 5, Вільня
Гэта тая імпрэза, дзе ў спагадлівай атмасферы можна падзяліцца сваімі прафесійнымі праваламі, памылкамі, няўдачамі, разам пасмяяцца з іх, падзяліцца досведам пра тое, як у вас атрымалася выйсці з гэтых сітуацый, і знайсці сілы рухацца далей.
Што патрэбна для ўдзелу?
1. падрыхтаваць свой выступ на 7 хвілін у стылі стэндап або TED;
2. зрабіць прэзентацыю (не больш за 10 слайдаў) або паказаць відэа (не больш за 2 хвіліны).
Усяго будзе 10 выступаў: хто раней зарэгіструецца, той выступае.
А калі жадаеце проста прыйсці паслухаць ды падтрымаць выступоўцаў, то рэгіструйцеся па спасылцы да канца дня 10 лютага.
Гледачам і глядачкам патрэбна ўзяць з сабой добры настрой і цёплую падтрымку для тых, хто будзе выступаць.
А яшчэ дзейнічае фармат BYOB (Bring Your Own Bottle) — прыносьце з сабой напоі, якія будзеце піць.
Уваход для тых, хто хоча падтрымаць — free donation (падрыхтуйце, калі ласка, кэш).
