10 снежня, у Міжнародны дзень абароны правоў чалавека і ў дзень уручэння Нобелеўскай прэміі міру, Ігар Шугалееў паказвае ў Варшаве свой знакаміты перформанс «375 0908 2334. Цела, якому вы тэлефануеце, зараз недаступнае».
Дата: 10 снежня
Час: 19.00 (час мясцовы)
Месца: Warszawskie Obserwatorium Kultury, ul. Marszałkowska 34/50, Варшава
375 — тэлефонны код Беларусі.
0908 — дата прэзідэнцкіх выбараў.
2334 — артыкул, па якім асуджалі ў 2020-м людзей, выйшаўшых на мірныя пратэсты.
У суправаджэнні жывой відэапраекцыі і гучнага цікання гадзінніка Шугалееў падвяргае сябе катаванням, праз якія прайшлі пратэстоўцы ў Беларусі.
Стаўшы на калені перад сцяной, заклаўшы рукі за спіну, апусціўшы галаву, ён спрабуе даць аблічча закатаваным людзям, ад якіх у СМІ ў асноўным засталіся толькі лічбы ці пікселі. І заклікае да салідарнасці.
Па спектаклі будзе дыскусія. Вось што прапануюць абмеркаваць:
Як абарона правоў аднаго чалавека становіцца абаронай правоў усіх людзей?
Што рабіць і як дзейнічаць, калі вы не праваабаронца?
Ці варта гэта рабіць?
Вядуць размову Іна Кавалёнак, актывістка, кіраўніца Платформы дапамогі палітвязням Беларусі, і Катажына Скопец, дырэктарка фонду HUMANOSH, заснавальніца Мірнага дому, які дае прытулак уцекачам.
Уваход вольны, але абавязковы запіс праз мэйл [email protected] альбо па нумары +48736096199.
