У суботу, 18 сакавіка, у філіяле Веткаўскага музея — кінапрагляд і спеўкі!
А 14-й завітвайце на занятак «Школкі традыцыйных спеваў».
Дата: 18 сакавіка
Час: 14.00
Месца: філіял Веткаўскага музея, пл. Леніна, 4а, Гомель
Тут пачнуць ужо рыхтавацца да гукання вясны і развучваць адмысловыя песні.
На такіх занятках няма гледачоў — усе ўдзельнікі і спяваюць разам. Не важна, ці ўмееце вы спяваць, ці ведаеце песні.
Перад тым, як заспяваць, на занятках адбываецца пэўная галасавая і дыхальная гімнастыка. Такая размінка ды спевы ў народнай манеры — шыкоўна аздараўляе і голас, і арганізм.
І ўваход вольны!
А 16-й жа заставайцеся на сустрэчу кінаклуба «ЭТНАфільМы».
Дата: 18 сакавіка
Час: 16.00
Месца: філіял Веткаўскага музея, пл. Леніна, 4а, Гомель
Гэтым разам будуць глядзець добрае сямейнае кіно, якое спадабаецца і дарослым, і дзецям, — «Несцерка».
Ага, пра вясёлыя прыгоды беларускага народнага героя Несцеркі, які мае невынішчальны аптымізм, розум і кемлівасць, падарожнічае па родным краі, ніколі не смуткуе і заўсёды гатовы прыйсці на дапамогу.
А пасля прагляду кіно зладзяць сма-а-а-ачны майстар-клас па прыгатаванні заціркі з дэгустацыяй!
Кошт — 3 рублі.
