7 снежня а 16 гадзіне ў выставачнай зале на Фрунзэ, 11 адкрываецца персанальная выстава айца Сяргея Сурыновіча «Птушыны вянок».
Дата: 7 снежня
Час: 16.00 (час мясцовы)
Месца: выставачная зала, Фрунзэ, 11, Віцебск
Айцец Сяргей Сурыновіч — гэта пробашч парафіі Найсвяцейшай Тройцы ў Друі і вядомы ў беларускай культуры дзеяч, ініцыятар шэрагу дабрачынных акцый, біблейскіх летнікаў, канцэртаў. А таксама паэт і мастак, арганізатар Друйскага мастацкага пленэру. Выстава «Птушыны вянок» — плён працы мастака-святара ў 2022 годзе.
Тут можна пабачыць творы, натхнёныя разважаннямі над энцыклікай Папы Францішка «Laudato si’». Вобразы засяроджваюць позірк гледача на выявах птушак, што сустракаюцца ў нашай краіне, многія з якіх унесены ў Чырвоную кнігу Беларусі, а многім пагражае поўнае знішчэнне.
У творах месціцца заклік да беражлівага і клапатлівага шанавання створанага Богам свету.
Выстава працуе па 26 лютага.
