Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў відэапраекце Budzma.org «Гісторыя за 5 хвілін». У гэтай відэасустрэчы адкажам на пытанні, чыя ўсё ж такі была дзяржава Вялікае Княства Літоўскае: беларусаў ці летувісаў.
Хто яшчэ, акрамя беларусаў і летувісаў мае прэтэнзіі на спадчыну ВКЛ? Што кажуць летапісныя дакументы на гэты конт? Чаму ў гэтых спрэчках граюць вялікую ролю матэрыялы шматгадовых археалагічных, лінгвістычных, этналагічных даследаванняў? Што аб’яднала балтаў і славянаў у тыя далёкія часы і хто ім пагражаў? Ці ёсць дакладная дата стварэння ВКЛ, і з чым яна звязаная? Хто быў першым кіраўніком дзяржавы? На гэтыя пытанні гісторык Алесь Краўцэвіч адказвае ў новым відэа.
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх унутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў. У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці.
Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
Наступны раз засяродзімся на асобе і дзейнасці князя Міндоўга.
Папярэднія выпускі глядзіце па спасылцы.
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
