Гаворка пра стужку Disco Boy, створаную сумесна студыямі з Італіі, Францыі і Польшчы, які трапіў у асноўны конкурс фэсту. Для рэжысёра Джакома Абруцэзе гэта дэбютная праца, — піша «Священный Белавуд».
Цікава, што ў 2011 годзе Джакома Абруцэзе прыязджаў у Беларусь і ўдзельнічаў з кароткаметражным фільмам «Фейерверкі» у незалежным фестывалі Cinema Perpetuum Mobile. Магчыма з гэтага моманту ў яго з’явілася цікавасць да Беларусі, якая адлюстравалася ў яго новым фільме.
Галоўнага героя, беларуса Аляксея, у стужцы грае нямецкі акцёр Франц Рагоўскі.
Па сюжэце яго герой — прафесійны танцор, які вырашае бегчы з Беларусі. Ён вырашае запісацца ў Замежны легіён, каб потым атрымаць добрае жалаванне і французскі пашпарт. Разам з ім у Францыю едзе яшчэ адзін беларус Міхаіл. Абодва сябры перасякаюць беларуска-польскую мяжу разам з групай беларускіх заўзятараў, а потым адрываюцца ад іх і накіроўваюцца ў Францыю. Пасля Аляксей трапляе на службу ў Іншаземны легіён і ўдзельнічае ў ваенных дзеяннях у Афрыцы.
