У чарговым відэа праекта «Гісторыя за 5 хвілін» прафесар гісторыі Алесь Краўцэвіч распавядае пра таямнічы перыяд уладарання князя Трайдэна.
Які палітычны курс для развіцця дзяржавы абраў Трайдэн? Якім чынам уплываў на палітычнае становішча суседніх варожых дзяржаў? Дзе знаходзілася радавое ўладанне князя і як гэта ўдалося ўстанавіць? З якой прычыны галіцка-валынскі летапісец назваў Трайдэна «праклятым, беззаконным і нелітасцівым» і што гэта азначала насамрэч? Колькі было ў Трайдэна братоў і чым яны вядомыя? Як язычнік Трайдэн заключыў саюз з хрысціянамі-гарадзенцамі? Якую перамогу яны здабылі для князя? Гэтыя пытанні абмяркоўваем у новым роліку.
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх унутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў. У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці.
Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
У наступнай відэасустрэчы гаворка пойдзе пра тое, ці магла Літва стаць сапраўдным каралеўствам.
Папярэднія выпускі глядзіце па спасылцы.
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
