Сёння спаўняецца 131 год з дня нараджэння Максіма Багдановіча. Літаратурны музей Максіма Багдановіча запрашае адзначыць свята разам.
Вось якая праграма прапануецца:
12.00 — ускладанне кветак да помніка Максіму Багдановічу (каля Нацыянальнага акадэмічнага Вялікага тэатра оперы і балета Рэспублікі Беларусь);
18.30 — прэзентацыя мастацка-дакументальнай выставы з фондаў Літаратурнага музея Максіма Багдановіча «КП 2022» (Мінск, вул. М. Багдановіча, 7а);
19.00 — імпрэза «Музыка жыцця» з удзелам салістаў «Класік-Авангард» пад кіраўніцтвам Людмілы Каліноўскай (Мінск, вул. М. Багдановіча, 7а). Прагучаць творы Баха, Моцарта, Шапэна, Мендэльсона, Маснэ, Агінскага, Глінкі, Шашына і Рак-Міхайлоўскага. А таксама інструментальныя апрацоўкі песень, дарагіх сэрцу паэта.
Уваход у музей і на імпрэзы вольны!
Адрас музея: Мінск, вул.М.Багдановіча, 7а.
